ഔഷധ സസ്യങ്ങളും പുതു ലോകവും

ആയുർവേദത്തിലെ ഔഷധവിഭാഗം വളരെ വിപുലമാണെങ്കിലും പല ഔഷധികളും ഇന്നും വേർതിരിച്ചറിയാൻ സാധിക്കാതായിട്ടുണ്ട്. ശാസ്ത്രങ്ങളിൽ പറയുന്നതും ഇന്ന് അറിവില്ലാത്തവയുമായ മരുന്നുകൾ ഇന്നത്തെ സസ്യശാശ്ത്രജ്ഞന്മാരുടെ സഹായത്തോടെ കാടുകളിലും മറ്റും തിരഞ്ഞു കണ്ടുപിടിക്കുന്നത് ഔഷധ വിഭാഗത്തിലേക്ക് ഓർ വലിയ മുതൽകൂട്ടായിരിക്കും. "സമ്മോഹിനി" എന്ന ഔഷധം കൊണ്ട് രോഗിയെ ബോധം കെടുത്തി തലച്ചോറിൽ ശസ്ത്രക്രിയ നടത്തുകയും പിന്നീട് "സഞ്ജീവനി" ഉപയോഗിച്ച് ബോധം വരുത്തുകയും ചെയ്തതായി ഗ്രന്ഥ്ങ്ങളിൽ കാണുന്നുണ്ട്.

ഇത്തരം ഔഷധങ്ങളെപ്പറ്റി വീണ്ടും അറിയാൻ കഴിയുമെങ്കിൽ അത് ആയുർവേദത്തിനു മാത്രമല്ല ലോകത്തിനു തന്ന അനുഗ്രഹമായിത്തീരും. ഔഷധികളുടെ ക്ഷാമം അനുദിനം വർദ്ധിച്ചു വരുന്നത് തടയാനായി ഔഷധത്തോട്ടങ്ങൾ നട്ടുപിടിപ്പിക്കുകയും, കിട്ടുന്ന ഔഷധങ്ങൾ തന്നെ ആധുനിക ശാശ്ത്രജ്ഞന്മാരുടെ സഹായത്തോടെ കേടുകൂടാതെ സൂക്ഷിക്കാനുള്ള ഉപായങ്ങൾ ആരായുകയും ആവശ്യമാണ്.